Ngomnaajo jiha Kwara, AbdulRahman AbdulRazaq,nyande asawe do jabbi Ballo Ardiido leddi, Kashim Shettima ha jiha makko, yaake nde Shittima on yilli jiha kan ngam yottinki kofngool fofo Ardiido leddi faaki ummatoore giifa Woro, nder taire hukkuma pamara Kaiama, ha jiha kan bawo nde halluube mbari himbe ko dillanta 75 nder balde de.
Nde ballo Ardiido leddi jippino ha sare tahiha nde Ahmadu Bello House wonde Ilorin, fada malorde jiha kan, Shettima tindini kippol halluube waddi mbari ummatoore bannin do woodi soinde imaanu ha ton, o wii bo ngomnati ho’an kala jabruude de handi kamfu ngam wadduugo ragare soinde rento duum habdete jonta ha nder leddindi no footi.
Shettima dillidi jiha be ngomnaajo jiha Borno Professor Babagana Umara Zulum, Senators Ali Ndume, Emmanuel Udende, be Ovie Omo-Agege,hautaade be Directaajo maudo mo hukuuma hokkowa mballa njauka ha leddindin ka NEMA Mrs Zubaida Umar, be Mr Jennifer Adighije, Directaajo maudo mo kampaniiru
