Ballo ardiido Lesdi Naajeeriya Kashim Shettima omti taskaram golle jahargal yeeso ko hewtani duubi 25 haa bakkeeje Fombina walaadu fuuna Lesdi Naajeeriya.
Ko nden O anndini wiiki Ardiido Lesdi Naajeeriya He also announced that Bola Tinubu yerdi bee ontuki kampaniwa hakkilanta shaanu Luumooku haa Fombina walaadu Fuuna Lesdi Naajeeriya dum wi’ete South East Investment Company Limited, ka taskani musamman ngam moobuki njawdi mallabo cede be bakkeeje den wonbe haa Lesde Yaasi ngam kuude jahargal yeeso bakkeeje den.
Haalakan wolwaama on wakkati Lamar anniyaaji mabbe di yeeso dooko hitaande 2050 dum ardiibe bakkeeje den taski.
Ballo ardiido on wi duudka metaama haa giidal ngal ko waddata jahargal yeeso sanne haa bakkeeje den.
O wiibe kampaniwa ngan huudan bee hukuuma hakkilanta shaanu bakkeeje den nga (SEDC) ngam hurga gannudi di be mari fuu haaton.
Ngomnaajo Jihawol Enugu Peter Mbah enanta luttube fadama’en maako fuu hawti yerdi bee taskaramji’e anniyaaji mabbe di 2050, bee wiiki yaadi bee taskaramji di ‘e anniyaaji di 2060.
Kadima O tefri kawtal kopi hakkunde ardiibe enanta luttube ummaatoore bakkeeje den fu ngam kuude jargal yeeso’e sembidinki kilantaaji riskuuji hebe haa ton.
Non ngomnaajo Jihawol Ebonyi Francis Nwifuru, wi kanyumma wambi baawo taskaramji din ngam wallan sanne haro hurguki gannudi joonde mere haa bakkeeje den hakkunde sukaabe mabbe.
Nden O wi taskaramka besdan kuude jahargal yeeso hedi shaanu janngirde, ndemri,Luumooku enanta nyibaali haa bakkeeje den.
Non tana maako ngomnaajo Jihawol Abia Alex Otti kanyum ma wii fakat yerdi bee maaka ngam waddananbe kuude jahargal yeeso masin wakkatiire nden toni haa fuddaama.
Haa ragare ngomnaajo Jihawol Anambara Charles Soludo kanyumbo usi yeti Ardiido Lesdi Naajeeriya bee yerduki ‘e taskaramji mabbe di kuude Jahargal yeeso haa bakkeeje mabbe.
SADIQ ALFA
