Ministaajo shaanu maatootiral ‘e waytinki ko e ummaatoore, Mohammed Idris, besdi tabitinki ngomnati Lesdi Naajeeriya do wada fodde bawde muudum haro yiiki ummaatoore Lesdi ndin ngam nana belduldum nder taskaramji mabbe di hesditinki Lesdi Naajeeriya.
Ministaajo on suuditi haalakan wakkati O jabba hooreejo mawdo mo tongititta ide hedi ko laaraaani kmarki kampaniiji ena ko naanndi’enon (CAC), Hussaini Magaji, mo ardini be hukuumawa ngan be yehi haa ministaajo on dooko seyo lamar mabbe jee hewtuki duubi 35th (CAC@35).
Idris mani tiinaaje ardiibe ben be CAC bee taskaramji mabbe di hesditini golle hukuumawa ngan waddaninga jahargal yeesosanne haa Lesdi Naajeeriya.
O besdika bee wiiki taskaramji mabbe man do yaadi bee taskaramji di ardiido Lesdi Naajeeriya wadata ko wallata kilantaaji riskuuji ‘e weltinki ngurndam ummaatoore Lesdi Naajeeriya.
Ministaajo on besdi bee manuki CAC bee wannginki laabi kewdi ko waddanta ngomnati Lesdi Naajeeriya cede nastooje hedi shaanu luumooku.
Non hooreejo CAC, Hussaini Magaji, wi ngilla mabbe do wadaama musamman ngam besdinabe tiinaare haro kuude mabbe boddi dum be hebi nasaraaku nder ardungal ngomnati Ardiido Bola Tinubu.
O wi iga ko’o magi korowal laamu nder Lewru October hitaande 2023 be hebi bayli sanne haa hukuumawa ngan musamman hedi are kuutiunirteedum mabbe di kiddi warti di jamanu.
Magaji wi nasaraaku be hebi haa gollirde mabbe limtidittaake ngam be hebi jahargal yeeso sanne.
SADIQ ALFA
