Ballo Ardiido Lesdi Naajeeriya Kashim Shettima omti taskaram golle kuude nyibaali haa Tudun Biri nder Jhawol Kaduna nokkuure nde hewtani Duubi 2 masiibo jippani be on ngomnati wadani be alkawal nyibankibe nokkuuuje haa bakkeeje den.
Nder ko nyibete haa nokkuure nden woodi taskaram nyibuki Ci’e ko hewtani 133 woodi nyibaali janngirde enanta are ko jannginirde haa giifakan.
Ballo ardiido on yaarani no ummaatoore meemaabe haa masiibo ngon be nokkuure nden ngilla nder Lewru December 2023 ko nden on O eptani be alkawal dow Ardiido Lesdi Naajeeriya Bola Tinubu nelimo O yeccabe be taskani taskaram hesditinki mallabo nyibankibe nokkuure nden.
Kadima O wi ngomnati do dari darned haro yiiki hebbitini alkawalji dum be hoosani ummaatoore Lesdi Naajeeriya no foti ngam weltinki ngurndam mabbe.
VP Shettima besdi ka bee anndinki on yo dow ngomnati kawtal Lesdi Naajeeriya taskani hebbitinki alkawal kuude ko nannditi bana ni’I haa nder Jihaaji bana Jihawol “ Kaduna, Kebbi, Sokoto, Zamfara, Niger, Katsina, enanta Jihawol Benue.”
Nder jawaabu luutaniibe meemaabe botiroobe ‘e taskaramka ben, Mrs Aisha Haruna enanta Mr Solomon usi yeti ardiido Lesdi Naajeeriya Tinubu enanta ballo maako Shettima“bee waddanki be nballakan nder Labbaare mabbe Tudun Biri.”
SADIQ ALFA
