Ballo Ardiido leddi Najeeriya, Kashim Shettima, manni ngomnaajo jiha Plateau be anniya wartuugo jamdiyya lamotooka ka All Progressives Congress (APC) nden bo jamdiyya kan jabbimo juude didi nden seyi be hebuugo goddo kimminiido bana makko ha nder maga.
O wii jamdiyya APC nanema do marri anniyaaji boddi di hauruugo ko’e bibbe leddindi ngam tabitingo jonde jam e kautal hoore ummatoore bana no mara haje.
Shettima wadi manore nden on ha wakkati nde o yillino Jos fada lamorde jiha Plateau ngam jabbuuki ngomnaajo jiha kan , Caleb Mutfwang, ha nder jamdiyya APC duum doggina ha babal pijirle ball puchi je Jos.
O wii maruugo irin ngomnaajo ha jamdiyya makko duum jahool yesso on kimminiingool ngammai be jabbimo juude didi.
A BELLO
