Wakiliijo jamdiyya lamotooka ha leddi Najeeriya ka All Progressives Congress, APC daga jiha Gombe mobo mediino dabbutuggo korowaal ngomnaaku jiha kan ha chuubi shaluudi, less tutawaal jamdiyya People’s Democratic Party, (PDP), Dr. Jamilu Gwamna manii beno jamdiyya , APC’dogginirta kude hesditinki kati lataago bi jamdiyya duum wadete ha labi fasaha jamanu, watau E registration.
Dr. Gwamna tindini dabare nde jamdiyya APC wangini do do mari himmidinaare masin ha hokkuugo jamdiyya bososel hebuugo wakili’en dudbe ha nder leddindi, hautaade be fernuugo bibbe jamdiyya kan be andal labi matotiral ngal jamanu.
O wadi manorenden on ha wakkati nde o hallidanno be tefoobe kubaruuji tippungel nde o yillino nukkure hesditinki kati jamdiyya kan ha giifa danyorde makko wonde kombi seketeriya jamdiyya APC Gombe, o lori o mani Ardiibe jamdiyya kan be wangingo dabare nden.
A BELLO
