Koreejo Ardiido leddi Najeeriya, Oluremi Tinubu, umti suudu janguugo ema resuugo defte ha jami’are Obafemi Awolowo University (OAU), wonde giifa Ile-Ife, nden bo sudundun wannama kare kutinirtede jamanu je jangugo fannuuji boi ha jami’are nden,
Oluremi Tinubu dabbitiri fukaraabe jangoobe ha jami’are nden duuw be naftira be suudu jangugo mai no handi, nden be lorna hakkilo ha ko bantata daraja andaal ngal be wari dabbutuggo ha jami’are nden.
Lando fiifa kan watau Lando Ooni Ife, Oba Enitan Adeyeye Ogunwusi kanyum on mahi sudundun nden o surgi koreejo Ardiido leddi wara umtande.
Sudundun mahama duuw kautaal wallinde hukuuma fiiji bawaangu leddi nga National Technology Development Agency, NITDA.
A BELLO
