Ardiido Lesdi turkiyya, Recep Tayyip Erdogan, tabitini kabbidal narral bee Lesdi Naajeeriya dum wadi Taskanki majjinol Ceede ko hewtani $5 billionji cede Lesdi America musamman hedi shaanu Luumooku.
Erdogan haalakan fuddaama kuude iga nyennde Salaasa haa galluur Ankara, wakkati giidal mabbe bee Ardiido Lesdi Naajeeriya.
Kadima O besdika bee wiiki kabbidal ngal hakkunde Lesde den 2 woodi bote sanne ngam wallan kuude mabbe nder Lesdi Naajeeriya musamman rufayontaaku mabbe.
Ardiido on mani kabbidal masin hawtaade bee no ardiido Lesdi Naajeeriya Bola Tinubu sattini mo terde.
Erdogan mani tiinaaje Tinubu dow ko laarani shaanu kubbirle bee wiiki niiman walli haro fintinki kilantaaji riskuuji.
Kadima o holli seyo maako bee no kampaniiji di nyebbam peeturuljam Lesde den fu hawti kopi do wanngina laabka nafooha.
Wakkere feere bo Ardiido Tinubu kanyumma mani tiinaaje Ardiido Erdogan musamman hedi bakkeeje habdanki Lesdi Somalia ngam wadda joonde jam haa giifakan.
SADIQ ALFA
