Ministaajo fiiji robe leddi Najeeriya , Hajiya Iman Suleiman-Ibrahim, sattini jokke jamdiyya lamotooka ka All Progressives Congress (APC) ha dogginku kude loruugo hesditina kati lataago bi jamdiyya je wadete ha labi matotiraal jamanu watau, e-registration duum o wadi ha giifa danyorde makko wonde hukuuma pamara Keffi nder jiha Nasarawa nden o hokki wallinde computer laptops be mballa cheede keide.
Wallinde nden hokkama on ha wakkati nde ministaajo on yilli giifa danyorde makko ngam o hesditina kati makko je jamdiyya APC ha wakkati nde jamdiyya kan fuddi waduuki rigista kan ha labi bawaangu jamanu, ministaajo wii hokki wallinde nde on ngam sattina jokke wakili’en dogginoobe kude den.
Ministaajo on tindini dabare nde jamdiyya APC wangini do beddan walluugo nga ha hebuugo nastoobe hesbe.
A BELLO
