Hukuuma dogginowa fodo natuugo jangirle maude ha nder leddi Najeeriya nga Joint Admissions and Matriculation Board (JAMB) fuddi soruugo dereeji dabbutuggo winduugo fodo hikka duum be fuddi daga nyande 26 leuru January hikka do ngam yiigo marbe haaje soodi je mum.
Hukuuma kan tabitini fukaraabe duuw bedo sorra dereeji din ha kala babe je be wowiino soruugo pat hander leddindi no footi, nden bo be kokkan komoye wakkati keiduum ngam yiigo mardo haaje fu dabbiti soodi ha wakkati nde handi.
Hukuuma kan lori sauri fukaraabe ben duuw soda dereeji din wada rigista windan fodogon be computer, watau Computer-Based Test.
Nde o wolwanno Rigistiraajo hukuuma JAMB, Prof. Is-haq Oloyede, dabbitiri fukaraabe duuw dayyo kala ko wonnata kude fodo mum fun gam yiigo be timmini no handi.
A BELLO
