Ngomnaajo Jihawol Kano, Abba Kabir Yusuf, labbini egguki maako iga jam’iyawa NNPP wartuki Jam’iyawa Laamotoonga nga APC nyennde Altine January 26, 2026.
Haalakan tabitinaama on haa hunduko tumbaljo ngomnaajo, Sunusi Bature Tofa.
Nder jawaabu ngomnaajo on sappi ‘e wiiki wartuki maako jam’iyawa APC na’O kodo on ba ngam odonno nder jam’iyawa ngan iga hitaande 2014 konden on O hebi nasaraaku cubi pamari jee korowal majaliisaaru cakanteere Jihawol Kano amma O dali ngal ngam jaagordo maako Rabiu Musa Kwankwaso.
Nder jawaabu goodngol bo sappi bee wiiki, January 26, 2026, ngomnaajo on tongitan inde maako bee wakiili’en ko hewtani 22hawtaade bee wakiili’en majaliisaabe ko hewtani 8 hawtaade bee ardiibe hukuumaaji pamari Jihakan ko hewtani 44 fuu wartan Jam’iyawa APC.
Kadima do tuume ngomnaajo on omtan daldal tongitol inde be APC haa daldal maatootiral tippungle do.
SADIQ ALFA
