Ardiido Lesdi Naajeeriya, Bola Tinubu wartan Abuja nyennde Altine baawo ngilla maako haa Lesdi Turkiya.
Ngillakan yaarama no musamman ngam sembidinki kabbidal narral boosungu hakkunde Ledsde den 2 hedi bakkeeje shaanu rento,janngirde,piirooje,enanta luttude kuude jahargal yeeso.
Sawroowo ardiido on hedi laabi maatootiral ‘e taskaramji, Mr. Bayo Onanuga, kanyum on suuditika nde O haarino yami kubaru’en ko yaaribe ngillakan.
Yaadiibe bee Ardiido on haa ton woni Ministaajo yaasi Lesdiiku, Ambassador Yusuf Tuggar; ministaajo kiita, Prince Lateef Fagbemi SAN;ministaajo, General Christopher Musa (rtd); enanta wakiiliijo mo hakkilanta shaanu faddo, Hon. Jimi Benson.
Kadima woodi ministaajo shaanu kuude Rewbe, Hajiya Imaan Suleiman-Ibrahim;minstaajo mo nder Lesdiiku, Olubunmi Tunji-Ojo; mo aadi ndonndonu, Hannatu Musawa; sawroowo hedi shaanu rento NSA, Malam Nuhu Ribadu
SADIQ ALFA
