Ngomnaajo jiha Kwara , AbdulRahman AbdulRazaq dabbitiri dereke’en jaggantoobe leddi be NYSC’en yerbaabe jiha makko duuw be dayyo jahaale Jemma ngam laruugo no rento leddindi warti jonta, nden bo be tabitina be kakkili be rento yonki mabbe ha wakkati nde be dogginta kude njaggu mabbe ha nder jiha kan.
Ngomnaajo on hokki sauruye nden on ha wakkati nde be babbitanno hodorde dereke’en ben je yebre arandere je hikka ha hodorde jaggantoobe leddi jiha kan wonde Ilorin, fada lamorde jiha kan nyande alamissa salido.
Ngomna Abdulrazak efti alkawal duuw ngomnati jiah kan beddan hokkuugo taskaram ka bawaal bawo hautaade be welnankibe ngam yiigo jonde jiha kan weliibe bana no mara haaje, o wii be keban rento bana no be ngidi.
A BELLO
