Ngomnati mobgaal leddi Najeeriya lori hesditini anniyaaji mum haro hauruuki juude be ngomnati leddi America ngam fadduuki yonkiiji ema jaule ummatoore nder leddindi ngam yiigo kala komoye fu achhama wadi dima mum bana no mara haaje.
Ministaajo fiiji shakkol habaruuji e findinool ummatoore leddi Najeeriya, Mohammed Idris, famtini bannin mai on ha wakkati nde o hallidanno be tefoobe habaruuji tippungeel bawo nde agal wakili’en ngomnati leddi America wadi jonde fere be rentoobe leddindi ha office ru saurowo Ardiido leddi hedi fiiji rento.
Gidaal mai dogginama less Ardungaal saurowo Ardiido leddi hedi yebre rento, Nuhu Ribadu, be seketereejo fiiji rento ngomnati leddi America nden bo be pamtotiri no lesde den didi fu botirta be wallinde banduum haro yebre rento.
A BELLO
