Ngomnaajo jiha Gombe, Muhammadu Inuwa Yahaya, umti taskaram wannuugo bibbe jamdiyya APC regista je jamanu wannaduum ende digital membership registration ngam bibbe jamdiyya kan lora hesditina latago mebbe wakili’en jamdiyya kan hedi labi matotiraal jamanu.
Ngomnaajo umti taskaram man on nyande alarba salido ha fada lamorde seketeriya jamdiyya kan wonde Gombe ha o fuddiri be hore makko je owadi ne ende fattude makko je Jekadafari Ward, nden ballo makko Ukasha Hussaini, kanyumma wadi bannin, sai horeejo jamdiyya kan , Alhaji Abubakar Muhammad Dan Gombe, ema luttube Ardiibe APC Gombe.
Nde o wadanno jawaabu makko ha lamar kan Ngomna, Inuwa Yahaya tindini dabare nden duuw dabare on marnde nafu je beddanta jamdiyya APC belal bandu ema dudugo wakili’en maga nder laddindi.
A BELLO
