Ardiido Lesdi Naajeeriya Bola Tinubu mani tiinaaje tokkere fijoobe Bol kosde nga Lesdi Naajeeriya Super Eagles bee naasaraaku be hebi nde nyaami tana mabbe be Lesdi Algeria.
Ardiido on suuditi haalakan haa daldal maatootiral maako ngal X @OfficialABAT,
Tinubu besdika bee wiiki ngomnati besdam wambuki baawo fijoobe ben nden be sattinan terde mabbe ngam naasaraaku hebe no haandi.
Fijoobe ben yakki nyi’e wi be wadan fodde bawde mabbe be heba nasaraaku haa fijirde mabbe yeeso.
Wakkati fijirde nden fudda fijoowo kastaado Victor Osimhen sakkini tamre Boll nder ndaabowol nder mintiiji 47 nden tippungle Akor Adams kanyumbo beddi bee boggol .
Super Eagles tammi fottugo bee Lesdi Morocco haa fijirde dooko fijirde ragare,fijirde nden tammi fijeeki nyennde Alarba, January 14, 2026, njamndi 9:00 p.m kikkide haa Daldal pijirle nde Prince Moulay Abdellah Stadium ha Rabat.
SADIQ ALFA
