Jagordo sare majlissa ndotti’en leddi Najeeriya , Senator Opeyemi Bamidele holli wartuugo Senata’en tato daga jiha Kebbi ha jamdiyya lamotooka ka All Progressives Congress (APC), duum nasaraaku on mangu faaki siyasa leddindi ema hebuugo kautaal hoore ha jamdiyya kan hautaade be tigguugo ngomnati nga ummatoore.
Senator Bamidele, mo lutinta jiha Ekiti shakantere ha majalissa ndotti’en famtini duuw Ardiido leddi Bola Ahmed Tinubu wi’ai komoi warta jamdiyya APC amma himbe leddindin on taawi wola ko yotti jamdiyya kan ha leddindi kanju wadi be ngartata ha maga.
Nder asaweere nde on horeejo jamdiyya APC mo leddi , Abdullahi Ganduje; ngomnaajo jiha Kebbi , Alhaji Nasir Idris be seketereejo taskaramji jamdiyya APC mo leddi , Alhaji Sulaiman Argungu, waddi Senata’en tato daga jiha kebbi ha yesso Ardiido leddi andiiniimo duuw be ngartan jamdiyya APC.
A BELLO
