Sare majalissa wakili’en leddi Najeeriya hokki wallinde cheede ko dillanta million temerre Jedidi be juwi faago ngomnati mobgal leddi heba be sendina famda sembe’en hakkunde ummatoore ha wakkati leuru Ramadan do ngam heba wallitabe be ha nyamnuugo iyaluuji mabbe be koiduum.
Tubaljo majalissa wakili’en man, Tajudeen Abbas, on andini bannin mai nyande altine do nde be sumtidanno be Ardiido leddi Bola Ahmed Tinubu ha sare ngomnati wonde Abuja.
Nde o wolwanno duuw darnde luttube wakili’en majalissa kan ha fada Ardiido leddi, Abbas holli duuw himbe leddindi musamman talaka’en do ngiida be sadirmaaji naudi ngammai wallutuggo be do marri himmidinare masin ha wakkati leuru barkanteeru do.
Wallinde nden hauri be cheede nyamamnde ema kolte ngam seina be ngola lawol wannugo ko’e mabbe ha nder leuru sumayye.
A BELLO
