Ballo Ardiido Lesdi Naajeeriya Kashim Shettima, nyende Alarba bee jemma haa Abuja,tefri ardiibe kawtal kopi faaki kuude boddi di ardungal ardiido Bola Ahmed Tinubu taskani nder Lesdi Naajeeriya.
O suuditi haalakan wakkati sumtuki dum ardiido Tinubu surgi wakiili’en majaliisaabe ndotti’en haa hodorde maako.
Shetima wi faami dow wakkati wadi nde ummaatoore Lesdi Naajeeriya fuddata nanki beldum ko Ardiido on taskani be.
Ko nden on O foodi hakkilo mabbe faaki jippuki nyaamannde enanta sedda wakkere nyebbam peeturuljam nder Lesdi Naajeeriya doo on gidaadi ardiido Lesdi Naajeeriya.
O mani tiinaaje majaliisaabe ben bee kawtal ko’e iga ko be magi daddaare laamu warki hannde kadima O tefribe be besda hawtuki kopi hakkunde mabbe ngam jahargal yeeso hebe.
Hooreejo wakiili’en ben, Godswill Akpabio kanyumma usi yeti Ardiido Tinubu bee hokkuki be baawal baawo haa majaliisaaru ndun nden O wadani mo do’a njamu’e juutal balde bee joonde jam nder Lesdi Naajeeriya
Haa ragare wakiiliijo mo luutanta jihawol Abdulaziz yar’adu’a lamsi sumtol man bee Do’adum O wadini Lesdi Naajeeriya.
SADIQ ALFA
