Majalissa dogginirgal kude ngomnati jiha Gombe (SEC), less ardungaal ngomnaajo jiha kan Muhammadu Inuwa Yahaya, yerdi be ho’ugo jabruude tabitinki sewaaku ha jangirle ema nyaundorde jiha kan no footi.
Majalissa kan tabitini ho’ugo jabrude den on ngam wadda sewaaku ha kala babe jangugo fu hautade be hakkulungo babe yaruugo lekki ngam heba no hurgotoobe nana belduum jodaago ha nyaundorde den.
Nde o famtinanno tefoobe habaruuji tippungel bawo jonde majalissa kan ha Gombe, commisiionaajo fiiji andal jihakan, Professor Aishatu Umar Maigari, wii jabruude den nafaan masin ha tabitinki andal tilimngal hebinama fukaraabe jiha kan hautabe be hokkugo be babe marbe sewaaku be joda be janga.
A BELLO
