Biddo leddi Najeeriya fere maskiido ha fiiji matotiraal jamanu ha fahin andudo sirri kude bawangu , Fene Osakwe suptama duuw burdudo andaal sirri matotiral nder duniyaru je hitande nde ha leddi Birtaniya.
Ha habaruuwol wannuki mo barka ngol Horeejo Najeeriya en jodiibe ha lesde yaasi (NiDCOM), Abike Dabiri-Erewa wurtni nden wannimo barka be hebuugo jalorngal marngal daraja bana ngal do, o tindini maskiido on duuw goddo on daraniido kude mum.
Dabiri-Erewa holli seyomum be yiigo Najeeriyaajo hebi darjidineeki bannin hakkunde lesde duniyaaru, o manni on mai be hollugo maskare ema he’are ha kude de hande e jango.
O fodi hakkilo luttube Najeeriya en jodiibe ha lesde duniyaru duuw yembita on main gam hebina leddi mum daraja ha gite duniyaaru.
A BELLO
