Hukuuma hokkowa mballa njauka ha leddi Najeeriya ka , NEMA, fuddi senduugo kare weltinooje ema nyamande faago himbe yiduube be masiibo hite mota nyebbam fettinga mbari himbe ha gifa jiha Niger nder gifa shakantere leddindin.
Directaajo maudo mo hukuuma kan, Mrs. Zubaida Umar, nde yalirino ha nukuure sendigu man ni o fuddiri be umtaago kude sendigu ngun, ha o famtini duuw Ardido leddi Bola Ahmed Tinubu on umribe be yauna be wallita ummatoore yidube be masiibo hite nden.
Nde o sinkananno yiduube be masibo man, Mrs. Umar ha fahin famtini duuw hukuuma kan fa’an yesso be hokkugo wallinde heunde faago himbe jurumbe ha leddindi musamman be masiibooji naudi memi.
DG NEMA manni hukuuma hokkowa mballa njauka ka jiha Niger be yaunugo ho’a jabrude kanduude ha wakkati nde hite ngen futti, ha fahinta o lori o mani jamiyi’en kude rento bana police, civil defence ‘en ema luttube.
A BELLO
