Ngullu halki nyiballoji e babe yaruugo hendu ha Japan

Masiibo gullu hite on nangi babe filuuji ema nukkuje yaruugo hendu ha hirnankere leddi Japan wonni jaule dudde ema darnuuki fiiji ummatoor3e de hande e jango.

Hitengen fuddi woluugo daga ha fuddano nyiballo fere nangi ha less shuddi bakko wa’iita dilla ha duuw bana no sare television Footage wurtini ha rahotawol mabbe ngol wangina nyande altenedo be kikkede.

Rahotooji do kola duuw motaaji nyifuugo gullu nogas e jego on yotti ha nukkure den ngam nyifa hite ngen amma sende gullu mai wulli babe den pat no footi wola ko be hebi be wurtini.

Hotooji boi wanginaama ha nukkure den holli no hite ngen jabirta be hindu shatundu, police en hauri be jamiyi’en nyifoobe gullu wauti hite nden amma ge arti nge tammini nukkuje den fu jonde wore.

Rahotooji famtini duuw jaule dudde on halka be nyiballoji bardi daraja.

A BELLO