Kautal kore’en rentobe be kore’en police’en ha leddi Najeeriya (DEPOWA) efti alkawal be fa’an yesso be hokkugo wallinde heunde faago doggibe hijra ha nder leddindi ngam be welinabe ngurdam mabbe bana no mara haje.
Ardiido kautal DEPOWA, Mrs. Oghogho Musa on hoi alkawal ngal ha wakkati nde Ardiibe kauttal mai yillino hodorde hijra’en wonde faddude Durumi ha kombi fada lamorde leddi Najeeriya Abuja nyande alarbe salunde.
Mrs. Musa wii kautal mabbe mbarata jokke mum be hokkugo wallinde maunder fago hijirbe ha leddindi ngam heba kambe ma be nana beldum bana luttube himbe leddindi nden bo kautal mai beddan sendago be kare weltinooje bana nyamdu ema kolte je be bornata hambe be bikkoi mabbe fu.
O numtini hijirbe ben duuw be bedda hokkugo ngomnati bawal bawo nden bo be yabrina didadi leddi be daya kude kallude nden be tabitina bikkoi mabbe do yerbe yahugo janga kala nyalloma fu.
A BELLO
