Ardiido Lesdi Naajeeriya tefri majaliisaabe yerduki bee diidaangol ko laarani moobuki Bayaanuuji.
Ardiido Lesdi Naajeeriya Muhammadu Buhari tefri majaliisaabe lorna hakkiilo nden wada juude dowko laarani diidaangol sirru bayaanuuji ko be yerbani be.
Haalakan wanngi on nder Bataakewol dum ardiido on yerbani hooreejo wakiili’en majaliisaabe ndotti’en, Ahmad Lawan.
O wi “min naftori ko diidaangol 58, dum 1999 ko firlita on min yerbi derowol ngol ngam wadanki ngol juude haa moodon.,’’
Diidaangol ngol do saawi bete kewdum sanne ko naanndi faabuki bayaanuuji sirru enanta hebuki ndimu hukuumama hakkilanta faddo bayanuuji din nder Lesdi Naajeeriya.
Nder bayaanuuji din woodi di sirru rentoobe enanta faddol be yaasi annduki Lesdi Naajeeriya wontiri hawtaade bee moobuki fuu nokkuure woore ngam hebta koodume bee koydum.
Ndenno Ardiido Lesdi Naajeeriya Muhammadu Buhari yerdi bee wannginki hukuuma hakkilanta Bayaanuuji nder Lewru February 2022, ngam hakkilanki no ka waarete.
Dr Vincent Olatunji on laati hooreejo hukuumawa ngan
Ministaajo mo hakkilanta shaanu maatootiral enanta kilantaaji riskuuji hedi Laabi Daldal maatootiral Jamani Isa Pantami kanyum waddi ka.
SADIQ ALFA
