Ballo horeejo majalissa ndotti’en leddi Najeeriya, Senator Barau Jibrin, wii ngomnati mabbe beddan tinaare we’itikki laabi waddooji nasaraaku ha duuw fiiji risku leddi,jahool yesso kimminiingool, Ardungaal bongaal, ngam tabitina jonde jam e jhaool yesso faaki lesde gonde nder nahiya Africa hirnankeere.
O wolwi bannin mai on ha hauritirde maunde nde sare Radio Kongool Najeeriya wsatau, Voice of Nigeria taskiti je hikka ha suudu hauritirde nde musa Yar adua Center wonde Abuja fada lamorde leddi, o hooli boote yabranki didaadi leddi, duwtanaaki hukuumaaji ema tokkuugo jabruude de ngomnati ho’ata ha duuw yebre rento ema fiiji risku ummatoore.
O manni hukuuma sare Radio Kongool Najeeriya be anniya taskutuggo moftorde himminiinde bana nde, o efti alkwaal yottinki kala yonandu faago ngomnati fu duuw darned makko majalisaajo leddi ngam yiigo kala ko dabbita ha jiiba ngomnati fu nasti juude chi’e shakool kubaruuji leddindi.
A BELLO
