Ngomnati mobgaal leddi Najeeriya hokki siutaare nyande jumbaare tatabre leuru April yahuugo Altiine jegowabre leuru ndun duuw siutaare lamar Good Friday be Ester Monday je hikka.
Ministaajo maudo mo fiiji nder saare leddindin, Dr. Olubunmi Tunji-Ojo, on famtini bannin mai duuw darned ngomnati mobgaal leddi, o wanni masinke’en barka be nyande den nden bo o dabbitiribe duuw be doggina lamar kan nder jonde jam e de’ende.
Dr. Tunji-Ojo yonitiri Najeeriya’en debbo e gorko duuw dabbitina leddindin jahool yesso doggina bo kuude de waddantandi jahool yesso e kautaal hoore ummatoore.
O lori o dabbitiri bibbe leddindin duuw hollindira endaam, yide be joganeego amana ngam yiigo duum wallotiri ha ko beddanta leddindin hairu e jahool yesso kimminiingool.
A BELLO
