Ardiido leddi Najeeriya Bola Tinubu hoi jabruude fere kanduude duuw fiiji rento ngam wadduugo ragare fitinaaji mbare mbare ha Jos fada lamorde jiha Plateau bawo nde jogiibe bindigaaji kippi fattuude Rukuba, nder wuuro ngon nden wobbe bo futtini atuugo laabi maudi mbara wadoobe jahaale.
Ngomnaajo jiha kan, Caleb Mutfwangon andini bannin main de o hallidanno be wakiliijo sare ngomnati leddi Najeeriya tippungeel nde o yidiino be Ardiido leddi man ha fada makko wonde Abuja nyande salasa do.
Governor Mutfwang beddi wiigo fitinaaji din beddi satuugo bawo kippool alat do nden be habdi fodde sembe mabbe noobe darnira habre nden amma ha jonta duum yidi salorgo.
O mettini be halluugo kippe den nden o tabitini duuw kala jabruude rento fu ho’ama jonta ngam wadda ragare fitinaaji din jonde woore.
A BELLO
