Ngomnaajo jiha Kano, Abba Yusuf, loori laari nasaraaku siyasa fere ha wakkati nde o wariino Abuja o jabbi wakili’en majalissa wakili’en leddi suptaabe daga jiha kan njewetato eggi daga jamdiyya New Nigeria Peoples Party (NNPP) be ngarti jam,diyya lamotooka ka All Progressives Congress (APC).
Ha habaruuwool ngool bolinoowo ngomnaajo on hedi fiiji shakool kubaruuji, Sunusi Bature Dawakin Tofa. Wurtini ngool famtini duuw wakili’en njewetato mai pat tokki ngomnaajo mai bawo nde hanko ma o eggino daga NNPP o warti APC nder leuru salundu.
Ha jonde nde majalissa wakili’en ben doggini nyande salasa do on Tubaljo majalissa man, Tajudeen Abbas, andini lutuube wakili’en yaliriibe ha jonde man duuw majalissa ‘en njewetato daga kano eggi warti APC.
A BELLO
