Ardiido leddi Najeeriya Bola Ahmed Tinubu tabitini ummatoore jiha Plato duuw ngomnaati makko do darri ndarnde sottoowo widita yariibe kippool ha jihakan ngam yiigo be nangaama ndenbo be kitaama kita nauka, hautaade be yariibe kippool irin mangool ha jiha Kaduna fu jonde woore.
Nde o mettinanno be masiibooji kippe den Ardiido leddi yonitiri jami’en kuude rento duuw be bedda tinaare fabango yonki bibbe edama’en be jaule mabbe fu, hautaade be linchitaaki nukkuuje ha jogiibe bindigaaji ngooni nder leddindi heba be tamnde be ngadde ha yesso ngolbitoobe.
Ha fahin Tinubu dabbitiri rentoobe ben duuw be kabda be tetina wujjaabe musamman robe be bikkoi pamaroon be halloobe ben wujji ha nder labbaaje boi nder jihaji dididin, o efti alkawaal hokkuugo kala wallinde fu ngam yiigo rentoobe keebi nasaraaku wautuugo billaji soinde rento duum yidete be mai jonta ha nder leddindi.
A BELLO
