Soja’en leddi Najeeriya hesditini anniyaaji mabbe hedi tabitinki kautaal hoore bibbe leddindi, musamman be Allah reesi ha nukkuure woore duuw dole on be wada ngam no gifaaji mabbe hebira jonde jam e jahool yesso.
Maudo soja’en kude less Chief of Army Staff, Lieutenant General Waidi Shaibu, on andini bannin mai ha wakkati nde o jabbiino lutuube agal Ardiibe hukumaaji soja’en leddindi fun de be yaliriino ha fada lamorde hukuuma kan wonde Abuja ngam be sumtida sumaye leuru Ramadan nyande alamissa do.
Ha habaruuwool ngool shakowo habaruuji ha hukuuma soja’en leddindi, Colonel Appolonia Anele, wurtini ngool famtini duuw soja’en julbe be masinke’en fu hauri ha ton ngam doggungo dewaal sumtidaaki, je be tammata beddan hauruugo ko’e rentoobe leddindi ha ngoniifu no beddirta anniyaaji honago kude bonnuude.
A BELLO
