Ngomnaajo jiha Kwara nder giifa shakanteere leddi Najeeriya, AbdulRahman AbdulRazaq,nyande altiine salido o jabbi kodaangu maudo police’en leddindi, (IGP), Olatunji Disu, nde o yilliino jiha kan ngam o larta billaaji soinde rento ko jihakan wontindiri be mum nder lebbi ga’endo.
Nde o hallidanno be tefoobe kubaruuji tippungeel nde be timmini gidaal be ngomnaajo man IGP wii o wari ha jiha Kwara on ngam dabbutuggo laabi kanduudi di waddinta jihakan jonde jam e de’ende hautaade be wautuugo fitinaaji mbare mbare ko jiha kan yidata be mum jonta do.
O tabitini himbe gifa kan duuw police ‘en makko rufataako giite yi’a be bannin dole on be darinan kuude rento no handi ngam yiigo ummatoore hebi bososel dogginki yaakeeji mabbe di hande e jango bana no wowa, hautaade be dabbutuggo bawal bawo himbe guure.
A BELLOS
