Ngomnati Lesdi Naajeeriya wi besdi sukle sanne hedi ko laarani kawtal koppi bee bakkeeje ko taari Lesdi Naajeeriya ngam hurguki gannudi ‘e waddol joonde jam hakkunde Lesde den baana Lake Chad Basin.
Ministaajo mo hakkilanta shaanu yaasi Lesdiiku, Ambassador Bianca Odumegwu-Ojukwu, tinndini boddi kawtal koppi hakkunde bakkeeje den.
Haalakan wurti haa hunnduko mo hakkilanta shaanu kubaruuji hukuumawa ngan, Dr. Magnus Eze, wiido be wadi giidal bee minista’en tana maako jee 71 hakkunde be bakkeeje den Lake Chad Basin Commission (LCBC) haa Galluure N’Djamena, Lesdi Chad.
Odumegwu-Ojukwu wi fakaty O faami hukuumawa ngan on tan mari teddeenga wadduki kuude jahargal yeeso bakkeeje den hedi ko nanndi kuude kilantaaji riskuuji,feesinol nyaamannde,rento enanta joonde jam haa bakkeeje den.
Ministaajo on wi Lake Chad Basin ‘na nokkuure on tan jee mari barkaaji Lesdi woodi ummaatoore ko hewtani millionji 40 haa bakkeeje den.’
Odumegwu-Ojukwu besdika bee wiiki hurguki gannudi rento dum hunnde on ko lornata hakkiilo sanne haa giifakan non wadi O mani tiinaaje be kawtal koppi golle rento be (MNJTF) masin.
Kadima O meti dowko laarani yanayuuji sella haa bakkeeje den nden o nottiri be annde kiimiyaaku lorna hakkiilo nden hoosa jabrude kanndude ko wallititta ummaatoore milionji haa bakkeeje den.
Wakiili’en be Lesdi Naajeeriya yahiibe ton wodi; the Ministaajo mo hakkilanta shaanu ndiyam enanta seewaaku , Professor Joseph Utsev,seketeriijo tabitiido mo hukuumawa ngan, Dr. Emanso Umobong, ‘e luttube.
SADIQ ALFA
