Ardiido Lesdi Naajeeriya Bola Ahmed Tinubu wi besdi sukle nder ardungal maako sanne faaki kuude rento nder Lesdi Naajeeriya bee wiiki tippunle do soynde rento haa Lesdi Naajeeriya wartan taariiha.
Ardiido on suuditi haalakan wakkati O surgino ardiibe ‘e famarbe be kuude rento haa hodorde ngomnati Abuja Laamorde Lesdi Naajeeriya.
Tinubu meti duudka ko laarani tinaare Sooja’en haa yotti O wi weltinki ngurndam sooja’e enanta Lenyol mabbe fu laati doole ngam tidal mabbe nder Lesdi Naajeeriya.
Kadima O tefri ummaatoore Lesdi Naajeeriya besda kawtal koppi ‘e joonde jam ngam jahargal yeeso hebe.
Nder jawaabu hooreejo sooja’en , Lt.-Gen. Waidi Shaibu anndini dowtaare mabbe bee Ardiido Lesdi Naajeeriya besdete ndenbo be wadan fodde bawde mabbe ngam be renta ummaatoore ‘e jawle mabbe nder Lesdi Naajeeriya ‘ee laamu dimocradiyya maari.
Shaibu usi yeti Tinubu bee besdanki rentoobe Sooja’en njobdi Ceede Albaashi mabbe enanta luttudum ko’O wadanibe haa gollirde nden.
Sedda nder tawaabe haa nokkuure nden ballo Ardiido Lesdi Naajeeriya Kashim Shettima; hooreejo golle Tinubu, Femi Gbajabiamila; (NSA), Nuhu Ribadu; Ministaajo faddo, Gen. Christopher Musa; Ministaajo rento, Bello Matawalle; enanta be (FEC).
SADIQ ALFA
