Ardiido Lesdi Naajeeriya Bola Ahmed Tinubu holli mettam beram maako bee yottinki kofli foofo yaaki Lenyo sooyube yonki mabbe haa kabe hakkunde Sooja’en piirooje enanta turtube haa galluure Gwoza nder Jihawol Borno.
Tumbaljo ardiido, Mr Bayo Onanuga, wi tinubu mettini bee maaka sanne O yottini kofli foofo maako yaaki Lenyol ummaatoore sooyube yonki mabbe nder mabbe woodi Sooja haa kippeden.
Tinubu tinndini kippeden mettudum masin ”kippe den yaarama on dow muumini’en kannjum on mettini kippe den wakkati bedo habdana halkuki hallube ben haa giifakan.”
Nden kadima O mani tiinaaje rentoobe ben bee hoosuki jabrude bee jawdum ngam hurguki gannudi turtube ben nder Lesdi Naajeeriya.
Ardiido on besdi tefruki rentoobe fuu besda tiinaare mallabo taada 3 ngam yiiki be renti ummaatoore enanta jawle mabbe.
Haa ragare O wadani sooyube yonki mabbe Do’a nden ALLAH hokku Lenyol mabbe bo munyal.
SADIQ ALFA
