Hiitordu haa Lesdi Tunisia tiggi luumoowo kastaado Marouan Mabrouk haa saare kaso ngam tuumayeeje mosle.
Non kadima hiitordu ndun hokki prime ministaajo Lesdi ndin boymaajo enanta be faada laamu maako derewol dingisol musamman marbe bosesel haa kiitakan.
Mabrouk, laati gooto kastaado luumoobe nden mardo Ceede haa Lesdi ndin do haa tiggorde iga hitaande 2023.
O laati biddo ardiido Lesdi ndin boymaajo Zine El Abidine Ben Ali, nder hitaande 2011 wakkatifitnaaji do wade haa giifakan.
Be tuumiri Mabrouk bee ‘wujjuki cede suuda haa Lesde yaasi naa bee anndaangal ngomnati Lesdi ndin.’
Kadima prime ministaajo Lesdi Ndin boymaajo Youssef Chahed, jogiido Lesdi Ndin iga hitaande 2016 yaaki 2020, kanyumma tiggaama amma Sali yerdaago bee kobe tuumirtamo hawtaade bee wiiki kafuumaaka dum gidaadi siyaasa on.
Tuumayeeje den ‘e tiggorde den fu do wade on wakkati laamu ardiido Kais Saied fudda nder 2021.
Amma haa jotta wala laabka ko wanngi dow tuumayeeje den fu.
SADIQ ALFA
