Ngomnati kawtal Lesdi Naajeeriya wi besdan sukle sanne hedi ko laarani nyawndol Gide musamman sukaabe ngam jahargal yeeso dabareeji ‘e taskaramji mabbe bee wiiki dared no haandi wallan sanne hedi shaanu janngirde ‘e ko nanndi’e non nder Lesdi Naajeeriya.
Haalakn wolwaama on haa mobre mardum taakiyaare “eewuki daydum waddan jahargal yeeso,” dum kawtal fukaraabe Nigerian Optometry, NOSA bee kawtal kopi hukuuma hakkilanta shaanu jahargal yeeso sukaabe haa Abuja taskani.
Lamarkan moobi ardiibe sukaabe haa nokkuuje feerefeere laa be kastaabe be kuude nyawndiigu Gite.
Ministaajo mo hakkilanta shaanu jahargal yeeso sukaabe, Comrade Ayodele Olawande, mo directaajo mo hakkilanta shaanu njamu luutani, Emmanuel Essien,wi faami fakt woodi gannudi kadima ko laarani nyaw gite hakkunde sukaabe ko buri duudugo jotta hakkunde ummaatoore haa Lesdi Naajeeriya.
O senditi hakkunde nyaw banngudum enannta nya suudiidum hakkunde ummaatoore.
Ministaajo on besdika bee wiiki yaalirki maako haa nokkuure nden seenimo sanne ngam O besdi ko nafamo haa yebre nde O huuwata ko laarani shaanu njamu nden bo waddan jahargal yeeso sukaabe sanne.
Kadima O tefri sukaabe yaalirbe haa nokkuure nden besda tiinaare ha huuwuki kuude den ngam nafa ummaatoore fu ko yaadata be Lesde hebiide jahargal yeeso nder Lesde Duuniyaaru.
Nder jawaabu hooreejo NOSA, Mr Ayotunde Oke, kanyumbo tinndini giidal ngal dum hunnde on besdaari sanne nden jahargal yeeso sukaabe on masin.
Haa ragare Professor Tuwani Rasengane mo janngirde univastiwa Free State, haa Lesdi Africa Fombinaari, wiido haandi be naada fannuwol hakkilanki Gite musamman haa janngirde fu ngam sembidinki Gite ko waddata jahargal yeeso Sukaabe haa be ngonifu.
SADIQ ALFA
