Ngomnaajo jiha Adamawa Ahmadu Fintiri eggi daga jamdiyya makko ka Peoples Democratic Party (PDP) warti jamdiyya lamotooka ka All Progressives Congress (APC), hanko be majalissa makko fu no footi.
Ngomnaajo on kanko be commissiona’en makko 22, be pat be ngarti jamdiyya APC ngam bedduugo dabbutungo jiha kan kude jahool yesso hautaade be hauruugo juude de ngomnati mobgaal leddi.
Ha jawaabu makko duum o wanni ummatoore jiha kan nyande alamissa do ngomna Fintiri dabbitiri ummatoore jiha kan duuw hokka ngomnati makko bawaal bawo ema kautaal hoore ngam dogginki kude jahool yesso.
O wii kala kude de handi ngomnati wanna talaka’en fu o arti o doggini ha jiha Adamawa ha jonta boo do habda waduugo kude ko nandi bana laabi, jangirle,nyaundorle,lube, ndiyaam njereteedaam labdaam eko nandi enon.
A BELLO
