Ardiido leddi Najeeriya Bola Ahmed Tinubu wii tsakaraamji finditinki risku leddindi duum ngomnati makko wangini waddi jahool yesso kimminingool nden fahin beddani leddindin laabi bantuugo daraja risku hautaade be wurtingo bibbe leddi ha nder billaji shatuudi.
Tinubu famtini bannin mai on nyande salasa salunde do ha sare ngomnati wonde Abuja ha wakkati nde o umtanno jonde taskaram ka Renewed Hope Ambassadors Summit, je andungo wakili’en taskaram man ko handi be wata ha yesso ngam yiigo duum hebi nasaraaku doggineego taskaramji laamu makko.
Jonde nden wadama on ha suudu hauritirde wonde fada Ardiido leddi, duum hebi yalirki ngomna’en wonbe nder jamdiyya lamotooka ka All Progressives Congress (APC), hautaade be luttuube Ardiidbe jamdiyya kan ha nder jihaji leddindi be maskiibe ha duuw fiiji risku ummatoore.
A BELLO
