Najeeriya be Germany lori hesditini sobiraagu mabbe hedi sembidinki naraal boshungaal hautaade be wallotirgo duuw fiiji risku, ha gidaal ngal doggina hakkunde seketereejo maudo mo hukuuma fiiji yaasi leddi Najeeriya, Dunoma Umar Ahmed, be nanta timaado leddi Germany ha Najeeriya, Annett Günther.
Nde benman dido ngidanno ha Abuja nyande salasa do be pamtotiri duuw lesde den hauraan juude on ha duuw laabi bantuugo daraja risku majji, yaake kubbirduum, fiiji rento,ema sembidinki adi ummatoore lesde den didifu.
Nde o jabbanno timaado Germany ha Najeeriya seketereejo maudo mo hukuuma fiiji yaasi leddi, Ambassador Dunoma Umar Ahmed andini duuw Najeeriya do taski hauruugo juude be Germany.
Ambassador Annett Günther manni ngomnati Najeeriya be joguugo alkawaal ema bawaal bawo shembingaal.
A BELLO
