Horeejo haikaleeru maundu ndu jiha kaduna watau Archbishop of Kaduna, Matthew Ndagoso, suptaama duuw Ardiido haikaleeru leddi ndu Catholic Bishops’ je dogginki lamarji maudi ha leddindi.
Archbishop Ndagoso hebi nasaraaku supteego on ha hauritirde maunder nde haikaleeru ndun doggini ha seketeriya manga nga Catholic Secretariat wonga Abuja fada lamorde leddi Najeeriya, nden bo o jogaan mangu ngun ha yahuugo duuw do be duubi naayi.
Bawo nde wakili’en dogginoobe chuubi din timmini suptuugo on be andini mo nyaami.
Ballo Ardiido haikaleeru ndun suptaama daga jiha Lagos, Alfred Adewale Martins, nden fahin horeejo haikaleeru maundu ndu jiha Ogun watau Bishop of Abeokuta, Peter Odetoyinbo, suptaama seketereejo maudo mo haikaleeru ndun,nden Bishopjo mo Abakaliki, Peter Chukwu, hebi lataago ballo seketereejo.
A BELLO
