Hooreejo jam’iyawa (APC), Professor Nentawe Yilwatda, tinndini wattam cubi gadaado haa hukuumaaji pamari di Abuja bede Kano hawtaade bee Jihawol Rivers do holli ardungal Tinubu do woodi.
Nder jawaabu mo hakkilanta shaanu kubaruuji hooreejo APC, Mr. Abimbola Tooki, wi fakat nasaraaku ko heba haa cubi din on tabitini be dow kuude hesditinki Lesdi Naajeeriya do huuwe .
Professor Yilwatda besdika bee wiiki cubi tayre Laamorde Lesdi Naajeeriya FCT kanjum on besdi sattinki terde mabbe.
O wadani be jam’iyawa APC hebiibe nasaraaku haa cubi din bana mol (AMAC), Kuje, Abaji, Bwari, enanta Kwali, barka bee wiiki niido on hollibe dow ummaatoore do yidi ko APC wadata haa galluuje den.
Non O yabbi yaaki ton Jihawol Kano O wadani hebiido nasaraaku cubi maja;liisaabe barka hawtaade be haa Jihawol Rivers.
Haa ragare O wadani hukuuma INEC barka bee waduki cubi laabdi goongaraaji nden timmini jam.
SADIQ ALFA
