Ardiido Lesdi Naajeeriya Bola Tinubu wadani hebiibe nasaraaku Cubi wadaadi nyennde Asawe haa Tayre laamorde Naajeeriya FCT Abuja, Kano enanta Jihawol Rivers.
Nder jaawaabuwol wurti haa hunnduko mo hakkilanta shaanu kubaruuji Ardiido on Mr Bayo Onanuga suditi be wiiki ardiido on wi fakat hukuuma hakkilanta shaanu cubi nga INEC doggini kuude cubi haa nokkuuje den no haandi nder jam’e de’eende.
Tinubu tefri hebiibe nasaraaku ngun huuwuki kuude den bee aadilaaku ‘e goongaaku ko waddata jahargal yeeso ummaatoore.
Kadima O mani tiinaaje ministaajo mo FCT, Nyesom Wike, be kabdal maako haa tayre nden ngam hyiiki dume fu wadaama no haandi wala gacce ko holli dow ummaatoore do botira bee jam’iyawa (APC).
Kadima O mani tiinaaje ardiibe APC haa Jihawol Kano enanta Rivers bee naasaraaku be waddani jam’iyawa ngan.
Haa ragare o mani tiinaaje INEC,rentoobe,bee ummaatoore fu no be taadiri tati ngam yiiki cubi din wadaama nder jam’e de’eende nden O tefri INEC besda sembidinki are golle mabbe ngam cubi garooji yeeso.
SADIQ ALFA
