Hukuuma hakkilanta shaanu cubi nga (INEC), hokki hebiido nasaraaku nyaamuki cubi haa hukuuma pamara nga Kuje, Mr.Danjuma Samuel Shekolo,mo APC ha hukuuma pamara nga Kuje FCT.
Mo hakkilani cubi din haa giifakan INEC, Professor Nkiruka Odoh mo univastiwa Abuja, on suuditika bee wiiki O hebi nasaraaku nyaamuki bee kuriyaaji 17,269 hakkunde maako bee mo jam’iyawa nawliraawa nga PDP hebiido 15,824.
Bawti anndinoore nden , Mr. Danjuma Samuel Shekolo mani tiinaaje INEC bee waduki cubi laabdi goongaraaji.
SADIQ ALFA
