Ministaajo fada lamorde leddi Najeeriya Federal Capital Territory (FCT), Nyesom Wike, tindini chuubi dogginaadi ha Abuja do duuw chuubi on sheiniidi laruugo no duum dogginira nder jonde jam e de’ende wola hunde fere ko sakli hakkilo.
Ministaajo on wurti nyande aswe do on o larti no chuubi dogginiira ha Abuja ha wakkati nde be suptiino Ardiibe hukuumaaji pamari jewego, hautaade be kansila’en pattuule 62.
Hukuumaaji pamari din hauri be Abuja Municipal, Bwari, Kuje, Gwagwalada, Kwali, be Abaji, nde o lartanni chuubi din ha pattuule Garki, Karu Chief’s Palace, Karshi, Kabusa Keti. O manni de’itaare ha chuubi din.
Wike mettini be soinde wurtaaki himbe duum o holli bana shumaije himbe sumatado on hadibe wurtuugo bana no mara haaje.
A BELLO
