Directaajo maudo mo sare Radio Kongool Najeeriya (VON), Mallam Jibrin Baba Ndace, yaari ngilla teddinki faaki ngomnaajo jiha Nasarawa, Abdullahi Sule, ha fada ngomnaati jiha kan wonde Lafia, ha o dabbiti kautaal kuppi hakkunde sare shakkol habaruuji makko be nanta ngomnati jiha kan haaro famtinki ummatoore kude hairuuji di ngomnati man dogginta.
Nde o yecchanno anniyaji labdi di Sare Radio Kongool Najeeriya marri, Mallam Ndace yetti ngomnaajo on be bawaal bawo ema kautaal hoore ko ngomnati makko wannata yebre shakkol kubaruuji ha leddindi, owii bo Sare Radio ngan beddan fa’uuki yesso hedi tallutuggo kude ngomnati jiha Nasarawa.
O famtini duuw sare Radio kongool Najeeriya do doggina taskaramji boi nder temde jewetati, hauri be Turankoore, Hausaare, Fulfulde, Yorobaare, Egboore, Faranse, Arabre Swahiili eko nandi enon. Temde den patbo do marri heditoobe na wanyo.
A BELLO
