Ballo ARDIIDO LEDDI Najeeriya Kashim Shettima dabbitiri marbe juude hedi laabi risku leddi, bankiiji, ema kampaniiji jodiidi jonde ko’e maaji duuw be mballita marbe filuuji pamari, be kokkaabe cheede ema luttuduum wallinde fun gam yiigo be pinti nden be keebi sembe dogginki filuuji mabbe.
Shettima beddi wiigo wallutuggo matbe filuuji pamari do, duum do marri himmidinaare masin ha bamtuugo daraja risku leddi, ustuugo talakaaku hakkunde ummatoore, ema ikkitinki dereke’en andaal bawaangu jamanu, eko nandi enon.
Ballo ARDIIDO LEDDI famtini bannin mai on nyande salasa do ha wakkati nde o jabanno wattaam rahotoo hukuuma hakkilinoowa marbe filuuji pamari nga leddi, MSME nde be ngillinoomo ha sare ngomnati wonde Abuja.
A BELLO
