Maskiido fere hedi fiiji rento ha leddi Najeeriya ha fahin mo dabbitiino korowaal ngomnaaku ha jiha Kwara nder chuubi shalinoodi, Dr Ibrahim Mohammed Ajia, sauri ngomnati leddindin duuw tigga rentoobe jihaaji wannaabe kare kutinirtede wallitan masin ha tabitinki rento ema jonde jam ummatoore.
Ajia beddi wiigo tigguugo rentoobe jihaaji wadan ummtoore hokkaabe bawal bawo nden fahin hebinaabe bayaanuuji sirri di wallititta rentobe ben ha dogginki kude rento bana no mara haaje.
O wadi yonandu ndun on ha wakkati nde o hallidanno be tefoobe kubaruuji tippungeel nde o eggino daga jamdiyya makko o warti jamdiyya lamotooka ka All Progressives Congress (APC) ha giifa danyorde makko wonde hukuuama pamara , Magaji Ngeri, ha jiha Kwara.
Ajia manni Ardiido leddi Najeeriya Bola Ahmed Tinubu be kude jahool yesso je o waddaani leddindi daga ko o laami waruugo jonta.
A BELLO
