Ballo Ardiido leddi Najeeriya, Kashim Shettima yaahi jiha kano nyande altinedo jabi ngomnaajo jiha kan Abba Yusuf ha jamdiyya All Progressives Congress (APC), bawo nde ngomnaajo eggi daga jamdiyya makko ka NNPP warti nder APC ndenbo be ngadi lamar tedduuka ha babal pijirle nde Sani Abacha Stadium, wonde Kano.
Jabruude kanduude on ho’ama ha wakkati lamar kan, ngomnaajo on warti nder jamdiyya kan be wakili’en ngomnati makko fu ndenbo lamar kan hebi nasaraaku doggineego bana no be taskitiiri.
Rentoobe dudbe on yaliri be hauri be police’en soja’en, ema lutuube jamiyi’en kude rento rufama ha kotoye nder jiha kan.
Shettima holli seyyomum be wartuugo Abba nder APC nden bo o efti alkawal duuw ngomnati mobgaal leddi hokkanmo bawal bawo ngam yiigo o lori o tolliti laamu.
A BELLO
