Ngomnajo jiha Kwara fahin mo lataake horeejo ngomna’en leddi Najeeriya, Abdulrahman Abdulrazaq,yahi ngilla hofnuugo fofo faago bandiraawo makko mo jiha Niger, Mohammed Umaru Bago duuw kippool kalluungol ngol saggarle’en njaari ha wuuro Borgu mbarri ummatoore dunde.
Ngomna Abdulrazaq tindini kippol ngool duuw kippol on je marbe soinde imaanu wawata yarango ummatoore, ngam owii sina mo imaanu daayi ha mum wolamo mbarata himbe bannin wala dana, o mettini be soinde rento ha giifa kan fa’ata yesso yesso. Je o holli sankiti chii’e dudde acchi himbe ha yaasi becchhuum.
Hanko ma nder jawaabu makko ngomnaajo jiha Niger, Mohammed Umaru Bago yetti tokaraajo makko mo jiha Kwara be ngilla holluugo falere be ko fe’ata ha jiha kan owiini ngomnati makko do habda fedde sembe mum mngam yiigo be koni kude kalluude ha nder jiha kan ema waddango ummatoore jonde jam e de’ende.
A BELLO
